Ang Tools for Humanity (TFH) ay isang pandaigdigang kumpanya ng teknolohiya na itinatag para mas mabilis na maitaguyod ang pagkakaroon ng mas makatarungang sistemang pang-ekonomiya. Pinangunahan ng TFH ang pagbuo ng World protocol at sinuportahan ang beta testing phase nito sa loob ng ilang taon. Pagkatapos, inilipat nito ang pangangasiwa ng protocol sa independiyenteng World Foundation bago ang paglulunsad ng protocol noong huling bahagi ng Hulyo 2023. Ngayon, patuloy na nagbibigay ang TFH ng mga serbisyo sa World Foundation at nagpapatakbo ng World App, ang unang wallet na compatible sa Worldcoin.Mula nang itinatag ang kumpanya noong 2019, ang mga investor at miyembro ng TFH team (mga empleyado, consultant, tagapayo at iba pang service provider) ay binigyan ng mga locked Worldcoin (WLD) token bilang pagkilala sa kani-kanilang mga kontribusyon. Simula ika-24 ng Hulyo, 2024, magsisimula nang ma-unlock ang unang batch ng mga WLD token na ito.Noong una, ang mga WLD token ng mga unang tagapag-ambag na ito ay nakatakdang sumailalim sa tatlong taong lock-up schedule. Walang maisasagawang transfer sa loob ng isang taon matapos ilunsad ang World protocol noong ika-24 ng Hulyo, 2023. Pagkatapos nito, unti-unti nang na-unlock ang mga token araw-araw at nang pantay-pantay sa sumunod na dalawang taon. Sa orihinal na schedule na ito, halos lahat ng TFH token na ito ay nakatakdang ilabas mula sa pagkaka-lock-up pagsapit ng katapusan ng Hulyo 2026 (ikatlong anibersaryo ng paglulunsad ng World).Gayunpaman, ngayong linggo, ang unlock schedule para sa humigit-kumulang 80% ng mga WLD token ng mga investor at miyembro ng TFH team ay pinalawig mula 3 tungong 5 taon. Para sa mga token na ito, ang unang taon ng unlock schedule ay hindi magbabago (hindi maaaring mag-transfer sa loob ng isang taon matapos ilunsad ang World protocol noong ika-24 Hulyo, 2023). At dahil sa pagbabagong ito, ang 80% ng mga apektadong TFH token ay maa-unlock nang mas dahan-dahan: araw-araw at nang pantay-pantay sa susunod na apat na taon. Ang pag-unlock ng halos lahat ng mga token na ito ay matatapos na sa katapusan ng Hulyo 2028, limang taon matapos ilunsad ang protocol.Ipinapakita ng sumusunod na mga larawan ang pagbabagong ito sa unlock schedule ng mga TFH token hanggang sa katapusan ng Agosto 2024.

Not available